مجادعات النمة 36

ونسة وانباسطة
========

Osman Amin
=============
آهمباتي سو الغنا
رُكّاز مسرقن خت نشنكا وسيبية القرنوف
مو ترباس ضكر فوك خزنة ستة ظروف
يا ابسدرن قُبُضْ هجرت سبيبتو كتوف
حش دوشكات تسو لا شدره لااب حلوف

الهمباتي الأغبش
=============
قافل العين شمال وخدي فوق الدبشق
بي ايدي الشمال ماسورتي ما بتبشق
من جوة النشنكة ضبانتي نصو تفشق
مسارق لي التتك في الدومة طلقة تشق

الهمباتي الأغبش
============
دنميت الجبل خلي ام جنزر ماشة
والدوشكات عوت بي تن مع رشاشة
الميم دال دشر هاون قذيفتا داشة
نضف لي الارض كايسين نميلتا دايشة

Osman Amin
===============
رُكّزْ سُدبّه مافينا اللبد عامل حساب الرايش
وعيب دغتة زناد يمرق هببب وطايش
درّاش العضام مجموعتو طانّه طرايش
كُماج فجراوي ضُر ها نحنا الهجيمه كمايش...

الهمباتي الأغبش

=============
فوق قيف الدفاعات اسدا بكاتل واقف
متحزم شرررط طابق الخزن ومرادف
القوقو الكبس فوق راسو برقو يلاصف...
سيبيتو فوق تراب وضربو رعدا عاصف

Osman Amin

============
هتتتتتت أرقُد...عافي منك.........
فنقلتو الرباعي اديتو خمسه كل كَْلوشه
العدو والشدر لا خلاّ بوم لا عَشوشه
مشطنا الدرب كبسه ورفعنا بروشه
لي حدب الحدود كل البلد مقشوشه...

Khalid Alahmady

===========
رتونى يعنى لا ايد لا كراع...اها:

دود الدميرة النايبو احمر راعف
فرتاك الصفوف لى اعداهو سماً قاطف
النجور عمر الدوشكا قصدو يجازف...
جاب خبرو بالدكتريوف صفّ دمو النازف

الهمباتي الأغبش
============
كع ابشر

التلب القمز لي الدوشكا فوق التاتشر
سواقو انبرم بي فوقو زولنا يداشر
يصفع لليمين تالا الشمال دافر
لقط لي الصفوف وضب عدوهو مكاور

Osman Amin
===========
ايام الجامعه كنت اردد هذا المسدارلكن مو هولي وله قصه..المهم!!
أنا كُت بريدك بريد ونسانك.
......بريدك بريد جلسانك
ما دام ناس زعيط ومعيط عرفو لي جلسانك
معااك سلام يا اللمبه الحِرقْ قيطانك

الهمباتي الأغبش
============
اللمبة التبق مادام هي نورا مشتت
والريدة العليك جوة القليب تتفتت
حيل ريدي المعاك ودع خلاص واتبتت
يانيمة الشتا الممعوط صفيقا محتت

Osman Amin
==========
ههههه زولك زعل كو.. انا ما ريحني الاّ زعيط ومعيط دي...ولغان كلاب وشراب أسد

Khalid Alahmady
============
من قولتو (يااللمبة اتأكدت انو بعزها رغم انو رمى طوبتا