مجادعات النمة42

Osman Amin
========
عوافي يا الهمباتي خوي طولنّا منك مُده
موعوك في الرويحه وحلقي تب انسده
السبب الهلكني والهجمه جات مرِتده
السودان بعيد والسمحه فاتت جدّه

الهمباتي الأغبش
=============
موجوع زي برضك يا الاصم متالم
الزوماكس نجيض ماظني ليك اكلم
كل الناس هنا في النمة ليك تسلم
وسفر الجاهلة خلاك يا اخوي متظلم

Nanna Muati
==========
يا الاغبش اخوي كفارة الف سلامة ...
وبا عثمان امين الفات معاهو سلامة ...
يرجعلك قريب وتضوق ايديك سلاما...
تهديك القليب تعلنلك استسلاما ....

الهمباتي الأغبش
============
تسلمي يانهال مايجيك شر في دناك
والخير الكتير ينشر قريب يدناك
الهم القديم ان كان بقي ادناك
مهما تطول قيم لو جنبك بتتدناك

الهمباتي الأغبش
============
مهما يطول غيابك انت ياعثمان
ترجع بي الحروف تزيدنا في الهيجان
تنم تطرب بلد بي الوصف انسان
وفوق النمة ليك مازلت يوت خرمان

الهمباتي الأغبش
===========
يادكتور حلاوي الريد صبح كيمان
بيناتم بحور واشواق وزول هيمان
خت النمة والحانا توج لمعان
وصبر لي القلوب وبعد المسافة امان

Khalid Alahmady
============
وأنا الريد المكوّم فوق قلبى منو البعرفو
ياهمباتى غير أشكى وأقول الله يصرفو
مبروم الحشا أبعسلاً منو يشيلو يصفو
خلانى زى الحكمدار الصاتولو صفو....

الهمباتي الأغبش
============
طبعك يا الدعت بتخش نصاص الليل
وكت الريد يهيج جوة الضلوع بي الحيل
الريد المكوكر جد بهدلك بهديل
بعد ماكت رقيب سواك في البيادة دليل

Osman Amin
=========
معاا وكت الحمار قلبي النسيم مطلوب
وكان سِخت الحكايه يغشاك منام محبوب
نَعْم البسط حاصل وحين شافني لفح التوب
قال أصلك ما بتروق وطنطن كفاك ذنوب

Osman Amin
==========
هاازول المرض كفّار ذنوب منو مافي مفره
والزوماكس ختري متل نفس العلاج البرّه
يات طعنن للضراع كان تقوا كان تنضرا
ما بجيب فارق ام سماح هي العافيه تب بي المرّه...

لهمباتي الأغبش
==========
معروفة ام سماح الفوقا حاشا الضرة
بلسم للوجع ان جات عليها الخترة
جواك الحنين من قالب الكتاب والطرة
ولاعن هسي مجبور بس تناتل برة

Osman Amin ....
=========
فاطن ام سماح كل يوم بدور ترشيحا
ترأس في الجمال صندوقا قامتو نصيحا
يا قاضي الغرام يا اب كفتاً رجِّيحا
يوم اجلس قبالا العافيه تبقا منيحا

Midoo Khidir
=============
عثمان يا امين اصلو السماح بتدار
والحرة ام ضمير بترور معاها الدار
قلبك ليها تب لالفا يوم لادار
يوم تجلس قبالا تنسى الحديث الدار

الهمباتي الأغبش
===========
دربك بان عليك تاور علينا مدلي
والهم العناك ياخويا يوم حا يولي
تتكاور عقب جوة الديار وتصلي
وتلم الصغار تلعب معاهم بلي

محمد الحسن إبنعوف
==============
ودالسيد القشاش هدى أتقبلها...
والحله الجنيد والعك تقول سبلها...
حاسينا العزيبه عديل بقينا قبلها...
يات من حله جييناها أبزويق شبلها...

Osman Amin
===========
بلد مباريكن يكرمو ضيفن وضلو
عالين نفس وعُفف فوق للثريا يعلو
سوق للقلابيس دافقين سمح من كلو
خسايم في ابزويق قطعة عطش بتبّلو...

الهمباتي الأغبش
============
نققن فوق بطان كاور علوق وممحن
ياعثمان ابت تقرض هديم تتتفن
شكت تقلو الغسيل ما الادين تتحنن
بي ميسة عناق الروح بقت تتجنن

Hafiz Alamin
==========
موكول التكل من الوضيب يتكا
تكا قلبى بى تكيهو متكا
بتوكل على الوكيل واتكا
اوصل ميسو بسراع لا تكا


الهمباتي الأغبش
============
ادقق فوق دقييق فيني نضمو دقاق
اتكل واتوكل متكول علي الخلاق
وحافظ خت فيني الشروط لحاق
ننضم بي فهم نجدع حدا الرقراق

Hafiz Alamin
===========
همّ الهمباتى بى هم النميم همام
شال همى المهمومبو كمين عام
هايم بى همو فوق همى يقول نمام
همينا هم النمه وكلامنا بيانا" هام