مجادعات النمة63

Abdallah Alhraa
=============
فيك دعج العيون فاق الغزال بي نعاسو
كوم كفلك عتا ومحق عبار قيّاســـو
جعلية اصل عزك مثبت ساســــــــو
اووب احي يا النغم الشجيه اجراسو

Hafiz Alamin
===========
فيك قدلة المهرالحمسولو نحاسو
يابريبة العلوى البخيل حراسو
شوقا" فينا طامح يغمر ساسو
حليل سمر ليلك ولذيذ ايناسو

Hafiz Alamin
=============
بريبة العدامه ياالهرع ختفت المنام ونعاسو
طلقت في قلبى لهبا" يزيد وسواسو
اكان ماقولــة الشينه وودســايس ناســو
كيفن افارق لما الجسم البالدهب مقياسو

Midoo Khidir
==========
الجود والكرم انتو ياكن ناسو
الطبع الجميل والعفة بيك بتقاسو
في عز العدم داركم معبر كاسو
معروفين بسالة والوطن فراسو

الهمباتي الأغبش
===========
طبل قلبي بسراع اترفع ترباسو
يوم حافظ غشاها اتصارعت انفاسو
شاف فيك الجمال اكتمل مقياسو
عبا عليك كلام وانا ذاتي تب من ناسو

Msaad Yousif
=========
فيك شبة المعبد ومحروس بناسو
صدرها عالى فية رمان قليل اجناسو
نضمها قليل لاكن متيين فى ساسو
ربي اصلوا واكون القائد فى حراسو

Khalid Mohammed Ahmed
==================
قاسيت من جفاو والقبلي بدا قاسو
في تلة مشيو حطم قليبي وداسو
الكفل العتا وصدرو الطمح وانفاسو..
سواو للجمال دهبو وحريرو وماسو

الهمباتي الأغبش
=============
ياحافظ اخوي قول لي شن وداك
لي ريدة البنية الكابسة في دنياك
حتيت القرض في الريد تكلت عصاك
وشاقيت بي الحنين الليها يوت وداك

Hafiz Alamin
=========
السبب الميبس حلقى وزايد رويحتى هلاك
حلاوة قولا يطربك ان دنت جالساك
بريبه يسرك مقبلا ان ظهرت قابلاك
وان ادبرت منظرا" ييبس قواقى لهاك

Hafiz Alamin
===========
الهمباتى اخوى انا حالتى دايره لفاك
ام وجها" يضوى زى قمر العشا وضحاك
بعد ما قلتا اتوب نصــبت على شــراك
خلتنى فى خلاى انضــم فقــدتا ادراك

الهمباتي الأغبش
===========
الوجع العلي يابنية سببو لماك
الدر والبرق يخجل لو يشوفو سناك
والتبر المجمر لونو روعة كساك
تكتلي من طرف كل البصل دنياك

الهمباتي الأغبش
===========
حالتك يا اخوي زولا وقع في شراك
كجامة الغرام هبرت خلاص تالاك
تنتر بالحنين والشوق هناك ضماك
ومن علة هواك مابتطيب عيناك