مجادعات النمة1

الهمباتي الهمباتي الأغبش :-
============
شديت اب لجام من الدغش منكبي
وهايج بي غرام في جوفي صار متربي
طقطاق الطلح الفي نسيمو بعبي
هيج نار غرام من نومي قمت مغبي

Abdallah Alhraa :-
==========
البارح رقادي كسيده فوقا بريش
راكوبةً تجيب صقطه ومعاهارشيش
الاحماني ما أشهل جمال العيش
هنيهيناً بسونو الدغس بشويش


الهمباتي الأغبش :-
============
السمة ام قوام تلقاها قادلة بشيش
ان وقفت يمن توقد قصادنا عويش

المتل ام قوام ياخويا قط مافيش
فريخ قمري الصباح يادوب نبتلو الريش...


حافظ الامــــــــين :-
=========

اه انا من جوز الارايل الفدع وريدو وتلّ
ولع فينى جمرا" اصبحتا فيهو اتملى
الشلّ قواى وفرم احشاى وجابلى العله
انا بغنى عليهو ومخيرين عاد خلق الله !!!


الهمباتي الأغبش :-
============
يا حافظ خلاص صبري ودع وقل
وبات فوق الضوع في جوفي ابا ينبل
الريل الكبس لي ريدو جوة الضل
نافر في الخلا يااخويا وين الحل


Hafiz Alamin :-
==========
جدى الارايل الوصفو خاتى مثيل
ولع فى قلبى نيران الغرام تشعيل
اكان ما بخاف اللوم وبشاعة التنكيل
كنتا خميتو فى صدرى وبلعتو عديييل


الهمباتي الأغبش :-
===========
الجدي اب رمش تحتو العيون بتقيل
تابن ساقو فوق خطوة مشيهو مهيل
مرت فوقنا نافحا عبيرا فوقنا يكيل
رديت السلام من دون تقول متحيل


Hafiz Alamin :-
==========
آه من اللابس الغويشه وشايل فى يمينو بنيتو
ينادم فى المجالس بى خلاصة نيتو
الجاهل المتل مهر المكوك فى مشيتو
الذ عبيرو من مسك الكمن فى ليتو