مجادعات النمة2

Hafiz Alamin :-
===========
حباب الهرع حباب تمامة الكيف ومسمار الراس
حباب الارباب حباب الشلبى وسخى وودناس
حبابو اب خيرا" عندو ماكناهو للخناس
حباب ركازتنا ومشرع للضعيف من كافة الاجناس


الهمباتي الأغبش :-
=============
من اقصي الشمال بي عمتك جيت قادل
سويت النضم وصفا عدييل متاصل
مانسيت القيم الفيك عزا خايل
ياود الاصول الخاتي قولة قايل

Hafiz Alamin :-
==========

اكان للعمه ابواتك لبسو الخوده ام حديدا" صالل
واكان للنضم ات فارسو الفوقك ثابت وخايل
واكان للقيم ات ود الاصول الحاشاك قولة قايل
واكان للكرم ات ود رجالا" ينحرو الشايل

الهمباتي الأغبش :-
=============
تبيت بي عجل طفرت فوق النمة
مافتر القلم عندك وقال ننجمة
حقيت الاسم حافظ سكونو القمة
عزيت الكلام وبيك جد انتمة


Hafiz Alamin :-
=============
مشكور شيخ العرب وكيفنا بيك انتما
يافارس ام لطام وكتين الكوع بى يحما
تيراب المكوك سيد الشكره والكلمه
يحفظك الكريم بى يس وتبارك وعم


Hafiz Alamin :-
==========
ياالهمباتى اخوى ممكون اخوك بى ريد ام جمالا" جاسر
حرقت جوفى برمت قلبى برمة حشاها الضامر
غرام الريل قلّ منامى وخلانى للتريا اسامر
ودا اقرارى ياينتمى لى لماها ياسكنى يبقى مقابر


الهمباتي الأغبش :-
=============
الريد في القلوب نتحانو دايما دافر
غوغر ميسو حاقب شوقو فينا يحافر
نقيب الفرح من العصب بيسافر
سببو العاجبو العناد ولي دايما نافر