الأربعاء، 31 مارس 2010

مجادعات النمة20



Abdallah Alhraa :-
============
يا اهل الحضره ناده لي رجالاً اجلا
ياحسن الفرود والفي الجهيب اب تله
الزول المضمر هافو خاتي الشـــــــــله
جود ياباري بي الماجاب قوالة حـــلـه


Khalid Alahmady :-
==============
يالصلاح رجال كسلا البتشفو العلة
اجمعو شملى بالمنقة اللبت تندلا
الخلى عيونى ساهرة وفى نارى انا اتقلا
شيخ الحلة شافا أنكر وترك الملة


Msaad Yousif :-
===========
ندهت الصالحين يقيفوا معاى
ويا ابشراء يوسف وسيع الراي
تجمعوا شملى بست الفهم والراى
ابوها يقبل وامها تشيلوا جناى
من قطر يرسلوها واتموا مناى


Khalid Alahmady :-
===============.
مشكورين يااللسود دايما ردودكم جاهزة
كلماتكم صميم ماها المكلفتة شازة
فصلتو النضم فى كل المعانى العازة
كل الخلوق صبحت طربانة تعرض هازة

الهمباتي الأغبش :-
=============
دفر الاتبراوي الليلة قالع موج
كباس الضلمة المانعرف لي علوجو
تمساحا عشاري مناع قبيلة يخوجو
قلاب البناطين فرتاق قوافل فوجو


Nisrin Musa :- اهداء خاص الى حافظ
========
يا طير إن مشيت سلم على حباني
جيب خبر الوطن يمكن قليبو طراني
جيب نسّام زلالو المنّو مرة رواني
جيب لمحات جمالو الأصلي مو برّاني


Hafiz Alamin :-
==========
هديتك مقبوله يابت الاصل الحاشاهو مو برانى
كلامك فرج ليل الامى وزال على احزانى
كم مشتاق انا للبلد لى ناسى لى خلانى
لى زولى البريدو شديد وكم بي فراقو اعانى


لهمباتي الأغبش :-
=========
لو اهديتي حافظ اهديتي لينا معزة
فوق الغربة صابر ديمة ما بهتزا
فراج كربة العكة العقب مافزة
زد واي الخلا الما بقوم بي لزة

ليست هناك تعليقات: