مجادعات النمة21

فـــي الوصف
========

Hafiz Alamin

=========
ست الجمال الحراسا مانع النظر والشوفه
مبطرة اماتا ال بالسمن واللبن كلوفه
رايقه اديبه سمحه حشـــيمه عطوفه
كيفن نضوقو لماها وروحـى يبرد جوفا

Khalid Alahmady
==============
ظبية خلا وضاربين عليها غفارة
فترت انا تب من مزازاة داره
عالية اردافا لينة اطرافا وصعيب مقدارا
زيد ياحافظ نم عليها وجيب مسدارا

الهمباتي الأغبش
============
وقف الديدبان مابفهم أي اشارة
حارس السمحة المن النسيم تضارة
السبب البخلي الروح تزيدا مرارة
يوم مرت عصير فوق طرحتا النضارة

Msaad Yousif
==========

السبب الخلانى على الفريق قاطع الحومة
من ابو ديسا كابي بت الخزين اخت التومة
طول عمرى صاحى جافت عينيا لى نومة
ياربي الكريم تجمعنى بيها بيها البنية فطومة

Khalid Alahmady ...........شوية شكر
===========
عهدى مع الخليقة أنا من خلقت مابدلتو
رضعت مع اللسود والدود اخوى انا تب قالدتو
حاقب عصاتى من جهلى سكينى اضرعتو
سابل عرضهن أماتى وتوب عقابى سدلتو

الهمباتي الأغبش
=============
هيلك من زمن اجادك الصبقوك
الفرسة الاصالة الجابا ليك ابوك
انداك يمين لو وقفو مابطولوك
مابتاكل الرميمة ووافي لي الحبوك

Khalid Alahmady
=============
ومتلك يااللزوم الزول بعاشرو ويخبرو
باعك فى الدواس مافى زول بيعبرو
الباسطنى منك يالمنجض كبرو
الشرك البقبض الفيلة غمزة تهبرو

حافظ الامين
=========
الهمباتى اخوى فى الحاره ام لهيبا" قالى
ساند للضعيف شيال للحمول اجمالى
بايع دمو مابفرز الرخـــــــيص والغالى
الراجل العظيم اللى الشديده بوالى

الهمباتي الأغبش
==============
منك خجل وخجلت معاي كلماتي
اخو المرقن عصر وفي خلاهو بتاتي
اب رسوة الغليد المابنضرب يوماتي
ايدك لي الضعاف تحجي وتمد تحاتي

Abdallah Alhraa
===========
قدماً ماهو داكن شالو قاني وطشَ
فوقها السايفن ميه وجيعان ما إدشَ
عفيفةً بيتها مامرت عليهو الكشه
لونها حليب وتترن مكوي اول فشه

الهمباتي الأغبش
=============
ريدا فيا كامن مابي تب ينفشا
حر الشوق علي لا انبل لا اترشا
السبب البخلي رويحتي يوت تنغشا
اقلب في الصور افرح وانم واتمشا

Abdallah Alhraa
===========
شتله تموح مكاضه القيف وارضها هشه
نفسها فليل بجيبوهو الجعاص في البشه
خلت حالي زي السطلي زول القشه
زهجـــاناً مع البهديني مابتمشــــــــى

الهمباتي الأغبش
===============
متحيل براي خاتي السبب والهبشة
زي طفلا صغير نايم صبح ما اتعشا
الذكري الدوام لي قليبي تدي النفشا
اصلو الريد قسم بلية جاتا الطقشا

عبدالله الهرع
========
نارك يا ام ابوك قارشه العظام مي تشه
فوقك ود حسونه وودبدر وابو عشه
ظهرك في الكلاهات كلو جادع اربشه
صعلوق بابها ممنــــــوع منو مابتغشه

Khalid Alahmady
===========
نارك فينى زى حواشة بعد الحشة
هردت جوف حشاى بدور لى رشة
دى الشافعة المتل بهم الخريف البشة
فوقا غبينتى بى ناس روبى مابتنفشا


Msaad Yousif
==========
نارك فينى تحرق جوووه فوق الجوف
حرقت حتى الراس عدمتوا الصوف
من الجاهلة ام ديسا كابي ما ملفوف
قايتوا نتصبر مادام الحياة كلها ظروف