مجادعات النمة39

Hafiz Alamin
=============
مالك نفسى للزمن القديم طرايه
جاكى الخميس زكرك ام دروع وفرايه
ريد السمحه فى جواى حكايتو حكايه
كيف ليماها وبينى بينا اميال وسرايه

الهمباتي الأغبش
===========
يا البايع الخميس والقميص مدروع
زيك زي ياضامر الحشا وفوق مربوع
السبب البخلي اليوم علي سبوع
ياحافظ هناك اتاتي يوت مجدوع

Hafiz Alamin
==========
المبروم فى الوسط وصدرو شاب مرفوع
بى شهد الكلام شها نفــسى الـــجوع
فى الشارع بى نظرات الخلوق متبوع
مايس القامه يتقدل فى الدروب مرنوع

الهمباتي الأغبش
=============
سمح القدلة عند الفي مشي مفدوع
والبقرب لماهو قطعا واكيد ممردوع
السبب البخلي الليل قصادي نجوع
وشو الفي القلب اصبح عديل مطبوع

Hafiz Alamin
============
مبروم الضمير المن السخافه قنوع
يبس حلقى وبى غرامو كبدى صروع
متبور القدم البى شوفتو قلبى خلوع
ممكون هواهو ومنى ليهو العمر مدفوع

الهمباتي الأغبش
===========
بي ريدا القلب يا خويا يوت مصفوع
وغير ريدة العناق ياب عمة مافي رجوع
الزول ان غمد بي حلمو قام مخلوع
وان باري الصبر ياهو تب مفلوع

Hafiz Alamin
========
هاوية الحشا حاشاها مامن جوع
حشت قلبى حش المنجل المقلوع
الخلى فكرى سارح والقلب متبوع
صدرا" شاب وديسا" كاب ووريدمفدوع

الهمباتي الأغبش
==========
القلب الصبح بي ريدا ضاوي شموع
بي شوفة الجميل ياخويا جد مشدوع
السبب البخلي عقلي يوت مشلوع
ياحافظ بقيت في ريدا جت مبلوع

Hafiz Alamin
==========
الفنجريه بريدك ريدا" باليمين مشفوع
ياست الجمال الاصلى مو مصنوع
مزروب البيوت العلينا بالزياره منوع
كيفن لماك وبينى بينك بحور ودروع

Midoo Khidir
===========
وحاة فمك اليوم بالقبيح ماناضم
سارح بيك متل ما ابليس سرح بي ادم
قدر ما اقول اكالمك يالهواك اتقادم
شغلتني الظروف واللوم علي اترادم

الهمباتي الأغبش
============
ماك شبه الملام خاتياهو تب اللوم
والعز والكرم عايمة فيهن عوم
السبب البخلي الدنيا مابتدم
الزول البعيد والخاطر المكلوم

Midoo Khidir
=============
يابدر التمام الفي سماهو يلالي
مالك ياخي باليني ومبهدل حالي
يوم الاتصلت علي جد ياغالي
قلت يبقى البراق دفروه في جوالي

الهمباتي الأغبش
===========
كل ما اقول ازوغ القاك ديمة حدالي
ووكت اسرح بعيد تبقيهو انت خيالي
ووكتين النضم ياحافظ اتهجالي
اتلعثم يمين وصبح لساني يلالي

Midoo Khidir
=============
ياود الكرم حاشاك من اللوم
يالصحيت قليبي بعد غرق في النوم
يوم هليت علي مشى من حياتي الشوم
منتظراك ترجع لي في الخرطوم

Midoo Khidir
===========
داب درت القيامة تقوم عشان تلقاني
وقلبي قيامتو قامت من كلامك جاني
انا يامالك الروح والقلب في ثواني
جرحي الاندمل الليلة نقجل تاني

Midoo Khidir
=============
من قمت الصباح مشغولة باشغالي
فجأة سمعت صوت ولقيتو من جوالي
قلت امكن صحيبة تسألني عن احوالي
الا لقيت رسالتك وسرتني جد ياالغالي

لهمباتي الأغبش
===========
يارب ياكريم من العلي ترتالي
الوجع المعاي اصبح دوام متالي
نوخر في العضام كل التروس حتالي
وصابر يامناي شايلك حنين عتالي

Midoo Khidir
=========
قلبك انت مايضوق الوجع والهم
تسلم انت ياسيد الشعر والنم
وقت اقراه كلامك بحميني اتكلم
ياريت من زمان لوكنت لي ود عم

محمد الحسن إبنعوف
==============
ياميدو الصبر باكر بجيلك راجع...
والفات كلو يبقى زكريات ومراجع...
رفيق الرطنو الدوشكا وبنادق أم راجع...
معاك راجيه نحكر النم والقصيد ونراجع...

الهمباتي الأغبش
=============
في شمبات هناك النم تقودو مقانع
والزول الزمان قالو جل الصانع
مالك يالخزين للغالي دايما مانع
الزول اصلو فينا ونحن ليهو مصانع

Midoo Khidir
==========
يا ود ابن عوف الصبر لي ممانع
والناس لشعورها بقت تبيع وتخادع
وانا جواي مصايب الا صدري انا واسع
نحن سعدنا مهما بعد بختر راجع

Midoo Khidir
==========
الفات يانهال دايما بجيك متقاطع
كان ترضابو او حتى بيه تمانع
الفات اثرو فينا وخلى فينا طبايع
ومن اثارو تبقى لهناك بتطالع


Midoo Khidir
===========
بقولك بس كلام وعندي الدليل القاطع
الفات هو الغلب وخلف جوانا مضاجع
وكل مايمشي يوم تكبر جوانا مواجع
ياما بكينا منو وكم هدرنا مدامع