مجادعات النمة46

ميدو خضر
===========
ياوجع السنين القلبي بيك زهجان
خلي قليبي مالو الليلة هاج هيجان
متذكر جروحو الليلة بيك مرضان
شوفو لي علاج كان جاولي كان تيمان

بت العمدة
======
يابت خالي عوك الخيرة في الجايات
مايحزن قليك انسي كل الفات
ياميدو ام سماح ست كل البنات
اصبري ياملاك ونحن ليك شاهدات

الهمباتي الأغبش
=============
تبري من الوجع الدنيا مابتستاهل
هيجان القلب عقبا بفج يتماهل
تضميد الجروح بي الوداد بضماحل
والزو الحديد بعيش جديد ويواصل

Midoo Khidir
===========
الزول البريدو والكسر لي جناح
خلي قليبي مجروح بالهوى ونباح
اقاسي الليل براي لمن يجيني صباح
والجارح القليب مبسوك هناك ارتاح

Midoo Khidir
===========
بت العمة بذات انت العلي خابراه
من زمنا بعيد وجعي العلي ماسكاه
يالهمباتي اخوي انا الصبر فاقداه
والزول القوى في شعورو اتحداه

Midoo Khidir
===========
الريد من زمان سيبتو انا خليتو
والجرح العلي من نفسي انا دسيتو
مالدواي طب دواي براي خبيتو
ومن الحب زمان قلبي انا زحيتو

Waleed Abzeed
=============
الليل الدخل قدم عصير اوجاعو
شوف عيني الهموم إشارو فيني وباعو
ماشفت الشروق لايوم هبشة ضراعو
كيفن الفرج والضيق فرد شراعو

Hafiz Alamin
==========
قلبى الريد والغرامو فيهو واسع باعو
عاشق من قبل فطام ارضــاعو
يغفر يسامح كــل الاباهــو وباعو
البجازيهو بالاذى لابد بجرب صاعو

الهمباتي الأغبش
===========
الليل ان كبس ضرسي بيزيد اوجاعو
فوتركس الحبوب وامفناك هناك لي صداعو
الغالي البدور نضمو حلات جداعو
محروم من ضحك ومن الاكل بلاعو

Waleed Abzeed
===========
الدنيا ام عيوب ماشفت يوم افراحا
زايدالي الهموم عبره وغبار كتاحا
نوصل للعلا وتزيد علينا جراحا
نطراها الحروف في يوم تكون هي قداحا

Hafiz Alamin
==========
الدنيا ام قدود والله مو دار راحه
كم هدت بيوت ناعمات بالراحه
تشيلك فوق كفوفا تلوليك براحه
وتعكس تعدمك لا نفس لابراحه

الهمباتي الأغبش
=============
الدنيا ام قدود جنزيرا فينا اتمدة
كل ماتسد خريم واحد هناك انقدة
ولو جادت عليك ملت حداك العدة
اكد يالخزين الهجمة فيك مرتدة

Waleed Abzeed
===========
الدنيا ام عيوب ماشفت يوم افراحا
زايدالي الهموم عبره وغبار كتاحا
نوصل للعلا وتزيد علينا جراحا
نطراها الحروف في يوم تكون هي قداحا

Hafiz Alamin
===========
الدنيا ام قدود والله مو دار راحه
كم هدت بيوت ناعمات بالراحه
تشيلك فوق كفوفا تلوليك براحه
وتعكس تعدمك لا نفس لابراحه

الهمباتي الأغبش
===========
الدنيا ام قدود جنزيرا فينا اتمدة
كل ماتسد خريم واحد هناك انقدة
ولو جادت عليك ملت حداك العدة
اكد يالخزين الهجمة فيك مرتدة

الأميرلاي السراج
===========
ما ردت هجوم الحالة مي دغرية
صبارة القواسي وكت تجيك محرية
زراف الدموع ذي صيحة القمرية
شايفين الرحيل لا زاد ولا حق دية

Osman Amin .
==========
حباب جرقندي خوي صرام خشوم الهايله
فناد مال جبال فوق دنيا قسمتو زايله
متقرن ضيوف بي الحيل مجالسك ماليه
ها حاتم تب كريم وات المقامتك عاليه

الهمباتي الأغبش
===========
تجدع في الكرم وانت البتتكي الشايلة
وايدك لي الضعاف معدولة ماها المايلة
الجود والكرم كل الصفات فيك خايلة
ايمانك كساك وماك قط زول زايلة