مجادعات النمة49

الهمباتي الأغبش
============
المحظوظ يكون متلي يوم لاقيتو
ودعز الرجال الديمة رابط خيتو
ياناس ود امين لقيتو فاتح بيتو
اتناضمنا زين والوداد مطيتو

Hafiz Alamin
=========
اولاد امين كتار ياارباب وضّح وقول
ان قصدتا عثمان اسد المحاصـه ام هول
فرتاك جحافل العدو اللى عروضــو عجول
يستاهل النّم الشلبى وسخى ومسؤول

Hafiz Alamin
==========
اولاد امين كميه ياعمده فسر قولك
ان فاصد الشجاعة والله حكرا" هولك
وان قاسو الكرم فتا الرجال بى طولك
يا اب رايا" سديد كضاب البعقب قولك

Hafiz Alamin
اولاد امين يحمدو الكريم فى زياده
يا ود الاصول الفتح لى دوبيتنا عياده
يصلح ويـرتب فى الـكلام ب اجــاده
مرات فراسه ومرات الخدود الساده

الهمباتي الأغبش
===============
ياهو التلب عثمان امين بي زاتو
التلب الهمام ربوهو لوح ابواتو
كم غنيت معاهو وطربت بي غنواتو
اتناضمنا زين متمني بس جياتو

الأميرلاي السراج
===========
من بعد العصير الحلة شفنا بيوتا
فرسانا وشابا مراتعا وبنــــــــــــــوتا
فرح الأمهات القدلة والزغــــــــروتة
كترة وسترة في وش البباري خيوتا


Osman Amin
=========
بنتقاسم امين يا حافظ التُقابه
نتراتك تريع جُملة وحوش الغابه
من هيللك نزيد سمته وعليهامهابه
جُر النمه سو أدي القلب هبابه

Abdallah Alhraa
===========
طول عمرك سعيد انشاالله بالسويتو
وود عز الرجال انت النطرتو عنيتـــــو
انت ود امين ناس واجبه من تبيتـــــو
وكان حظاك يمين برضك كمان حظيتو

الأميرلاي السراج
===========
أخوك أ عشة ماهو البسمعن بو أخواتو
أخوك حرم يمين في الحارة تاج رفقاتو
أخوك سند الضعيف فات الجبل في ثباتو
أخوك أ عشة هوي ترب الجماعة الفاتو

Hafiz Alamin
========
اسد ام عجاج وارث سمت ابواتو
دراج الــضعيف ساند رفيقو عصاتو
اب ايدا" وابل الــخريف فى هــباتو
حارس عرض عشه وجميع اخواتو

الهمباتي الأغبش
===========
التلب اللزوم المابتنقلع قصباتو
الجود والكرم حارساهو من ابواتو
ماسوي العوج قط ما بغازل جارتو
مقداف البحر اسد الخلا ودعاتو

الأميرلاي السراج
==========
واخوك أصهب يمين في الحارة ما بضارة
أخوك أسد الرجال بي زندو باقي جبارة
أخوك دابي الخشاش من الأسود تتضارة
أخوك حرم يمين غلب الرجال بي عدارة

Hafiz Alamin
=========
تسلم يا اب كريق السمته فيك معروفه
اسد المحاصات عصر دخلتا كهوفا
فارس النمه اب شكرتا" معروفه
اب ضراع منك المحن مكشوفه

الهمباتي الأغبش
==============
هيلك تخرت الجافلة المدهن دوفا
سيل عقبات بيدفر لي التقيلة يلوفا
معروف بي الكرم دارك تملي ضيوفا
فيك ودالامين اوصاف رجال معروفا