حافظ مداقر الهمباتي لسة وجاب شمااااار ========================
حافظ الامين ======= ياود الهرع المالى السمع والشوف وضح المغطى فى السهله صار مكشوف كبيرنا يغيب يومين لا اعتزار لا كســــــوف قايلنو فى عــوجه اتــاريها الحكايه خــروف
Khalid Alahmady ============ خروفاً مدوعل مليان لحم وليهو ضلوف جمعة قضوها لحم بس غير الشية مابتشوف وفى الدونكى همباتى يعوم تقول فى ابروف والنمة حالتا حال التاب واليابا وبقول ظروف...
الهمباتي الأغبش =========== هي يانا ماقلنا عوفة الكانت ندمتونا في الغيبة وعقب ماهانت الريدة الهناك في النمة قطعا بانت مااظن تاني اغيب لو المصايب حامت
Khalid Alahmady ================= النمة ممابتبيعا بى خروف حتى انهانت تجمع وتنبسط والناس جميع تتقانت العوفة شيتا واحد تسويهو بنعفا الكانت شهر العسل فى النمة شقة طابق تالت
Hafiz Alamin ========= نسكت؟ يمين ان تركن القمارى القوق وان جافا لسانى النم فوق ام سبيبا" روق ويمين وان تاب التاجر رافض دخول السوق تجافينا عشان خروف وقالو ضعيف وممحوق
Hafiz Alamin ============= نسكت؟ دا حتى السكات علامة الرضا وانا روحى فايره ليها المغصه مقرضا يومين نقول زعلان مننا نكوس الرضا اتاريك بالخفا ضارب اللــحوم وقارضا
الهمباتي الأغبش ============= طلبتك بي النبي لاتزيد علي الزنقة مادام الغياب في راسي جاب الفلقة لو زدت الكلام اخاف تجيبلها دقة كرايتك عندي تب صعود يكمد الحقة
Hafiz Alamin =========== النبى عليهو اتم الصلاه وتسليم بس انا مانى البترشى ولا فخوخ وغشيم حكايتك وضح اسبابا ياالتلب اب هدير ورزيم مننا تغيب يومين ونحاسبك تمــنع التحريم Hafiz Alamin =========== كل الطلبتو انا تفند اسبابك غيابك توردا كيف هان عليك يومين مشارع النمه ماتوردا نقوم نجيب الشافك عند الخروف لابس ردا؟ ورينا بس خجلان تقول والا الحكايه مــعاندا ؟؟
الهمباتي الأغبش ============ الزول في البيوت لوجاهو ضيف بيكرمو بسراع لي الضبح اكبر خروف بي دمو دايما في انشغال مضايفو كيف ينتمو سوالكم غياب في النمة انتو اتلمو Abdallah Alhraa ============ ياحافظ كفاك في الاولى بس تحذيرو مابعضي الدبيب مؤمن لدغ في جحيرو الهنباتي اللزوم الما سبق تقصيـــــرو كان تناها كيل واردم عقب لا تقيلـــــو
Hafiz Alamin ========== مانى ساكت وراضى براى اتوجع كل من دايرو نصير لا ورا ترا اتضعضع كلكم ارجعو انا من الهمباتى ما برفع والعندو اى كلام يخت اضانو ويسمع
Hafiz Alamin ========= البجيهو الضيف على الزاد بيعزم جارو دا راى الكبار من قمنا نحنا حوارو لكن تاكلو خروف ومن العيون تتضارو وا عيبة الرعية وكت كدى بيسو كبارو
ودالمك نمر ======== الهمباتى فارس عركة اليوم اب لهيب من عرفتك تمامة راى اجواد وحبيب بس حاره من النمه مننا ايام بتغيب عدمتا النصيـّر وعارفك نبيه ولبيب
ليست هناك تعليقات:
إرسال تعليق