مجادعات النمة67

عبدالله الرباطابى
==========
قصيبة فى ابعدار واديها نسم
طويل الليل على والنوم مقسم
طريت فى البنات اللابسة المرسم
مسيخ الجيل بلا ام خداً موسم

الهمباتي الأغبش
===============
المهرة العجول الفي المشي بتتقسم
شلت عقلي ضمو والمنام اتعسم
السبب البخلي الزول براو يتبسم
الوش الصبوح الفوق جسما مقسم

Hafiz Alamin
===========
ع ليها جيدا" جل الصنع ومقسم
ف يها عيون ترمى الفقير متلزّم
ر احة راحا اخجلت الحرير متنعم
ا تمنيت ماافارق ايدا بعدماتسلم

الهمباتي الأغبش
==============
ابدعت الوصف حافظ حداك نسم
واخجلت الكلام بعدك محال ينتم
بداية القافية مذهل كاسي طعم
سيدا معاك يوت وليك المراد ينتم

Hafiz Alamin
===========
ع ينيها ياالهميم زادن على الهم
ف اها عسلا" يقطر يجود بالنم
ر اسيه ورزينه وان قدلت تتخم
ا ضيع انا واصبح بالجميل متلم

الأميرلاي السراج
=============
ترباية رجال عمة وشواتل ودرقـــــة
ركابين خيول غراً تســـد الفــــــرقة
ما قعدة مكاتب ورقة فوق لي ورقة
لا ضقنا المبستر لا مـــــلاح المرقة

الهمباتي الأغبش
============
ترباية مسور شوال وكتحة دقة
طورية وكديب ونعاج هناك مندفقة
بنعاشر الجميع بنخاف كمان الفرقة
وعن ساعة المحاص ما بنخاف الغرقة

الأميرلاي السراج
==============
وأنا كان مت يا الهمباتي لا تدفنوني
خلوها التشوفني عربها لا يعزونـــي
كان مايقها دفق دمعة لا تبكونــــــي
خلوها التبكي الما حصل شافـونــي

الأميرلاي السراج
============
وأنا كان مت يا الهمباتي لا تدفنوني
خلوها التشوفني عربها لا يعزونـــي
كان مايقها دفق دمعة لا تبكونــــــي
خلوها التبكي الما حصل شافـونــي

الهمباتي الأغبش
===========
السراج اخوي الليلة ريدو مبدع
فوق لو الحبيب شايفنو باقي بجدع
زول ممكون غرام وقلبو ديمة مصدع
يطير الريد عديل ماتبقي انت تودع

Midoo Khidir
============
يطول عمرك وتسلم انت يالسراج
الحب العليك خليه زي التاج
يلمك بيها الله يتمو ليك زواج
ترسل ليك شوقها افواج ورا افواج

الأميرلاي السراج
=============
قولولا السراج وهبك قصيدو وســـــــــهرو
كان داير العرس جهز عزومتو ومهـــــــــرو
يا زينة بنات الوادي ريدك قهـــــــــــــــــرو
أمسي طريح فراش ما لكاه بطنو وضهرو

الهمباتي الأغبش
============
الزول الهناك اليوت مغتس مترو
خلاص راحل بعيد عبا تب لي سفرو
يا السراج تعال نلحق سريع قطرو
وكت نلفا الحبيب نختا تب لي سهرو

الشاعر المخستك
============
الزول البحب بهوي الحبيب طول دهرو
ونجم الليل ونيس عد الليالي وشهرو
أبشر بالعديل يا الزين سراج البهرو
ويازينة البنات بهواك سرو وجهرو

الهمباتي الأغبش
===========
الشاعر ظهر بيناتنا خدر شدرو
والناس البعاد تالاهو جمعا سدرو
جامع لي الوصف جايبو تب من خدرو
مكتول من بلوم عايم هناك بي صدرو

Hafiz Alamin
===========
شاعرنا الكبير الليله جاد بى شعرو
جاب كنزا" معتق بانت جواهرو ودررو
الجواب المغلف ينبيك العنوان بى خبرو
يلا راجين الجديد زاهى ومفرهد شدرو

الشاعر المخستك
============
يالسقتو الجميل بي غيمو نزل مطرو
بي ريحة الدعاش آثر فؤادي وسحرو
سبحان الخلق زهر الحدائق فطرو
كملتو الكلام واسيتو قلب الفترو

Hafiz Alamin
==========
حباب شاعرنا الهمام الملك فى قصرو
فى بلاط النمه نتربع راجين قولو وامرو
اسرع جر النم وكل الخابيهو لينا تنشرو
تفرهد النمه بستان اخضر يعجب ثمرو

الأميرلاي السراج
============
مرضان السنين طب الدكاتر رتالي
جربت الدرب والحقنة والبروتالــــي
بخرات الشيوخ قرن الغزال المالـي
ما بداويني غير شوفة صديرا العالي

Midoo Khidir
===========
ياالسراج اخوي انشاء الله ديمة تشوفا
الظبية الكحيلة خدران ديمة جروفا
تبادلك في شعورك تهدي لك حروفا
بت عز الرجال واخلاقها ليك معروفا

Fathi Hassan
=========
يا السراج اخوي زورت الطبيب ما بتكفي
قبلك في الغرام عبيت وما متكفي
في زيارة الشييوخ واقف اخير في صفي
درت الموت عديل شايل حنوطي في كفي

بت العمدة
==========
ياالسراج اخوي في الحب في راحة البال
تلقي حبيبة راسية وخت جميل الفال
تشوفها عروسها جنبك وليك تعدل الحال
تزين عشانك جيتها ضغري حلال

الهمباتي الأغبش
===========
مرض الحب صعيب ودكاترة ما بعالجوهو
والشوق والغرام فوق الدريب لزوهو
الزول ضمة انكوي فوق الفريق دلوهو
بي شوفة العناق نظرة عيون بشفوهو

الأميرلاي السراج
===========
مرضان السنين طب الدكاتر رتالي
جربت الدرب والحقنة والبروتالــــي
بخرات الشيوخ قرن الغزال المالـي
ما بداويني غير شوفة صديرا العالي

Midoo Khidir
===========
ياالسراج اخوي انشاء الله ديمة تشوفا
الظبية الكحيلة خدران ديمة جروفا
تبادلك في شعورك تهدي لك حروفا
بت عز الرجال واخلاقها ليك معروفا

Fathi Hassan
=========
يا السراج اخوي زورت الطبيب ما بتكفي
قبلك في الغرام عبيت وما متكفي
في زيارة الشييوخ واقف اخير في صفي
درت الموت عديل شايل حنوطي في كفي

بت العمدة
=========
ياالسراج اخوي في الحب في راحة البال
تلقي حبيبة راسية وخت جميل الفال
تشوفها عروسها جنبك وليك تعدل الحال
تزين عشانك جيتها ضغري حلال

الهمباتي الأغبش
===========
مرض الحب صعيب ودكاترة ما بعالجوهو
والشوق والغرام فوق الدريب لزوهو
الزول ضمة انكوي فوق الفريق دلوهو
بي شوفة العناق نظرة عيون بشفوهو