مجادعات النمة68

Khalid Alahmady
===========
البارح مشينا لي زولاكريم وأجواد
أسدأب هشيم حازالمفاخروزاد
أكرمنا بي فيضوالمدفق ونموأجاد
حفيدأب حجل حافظ النضمومابنعاد

الهمباتي الأغبش
=============
كلام الاتبراوي فوقو راجع صاد
يمين حافظ بحر تجبد مراكبو غلاد
العز والاصل ورجالة تبقي قصاد
عليهو الشورة ياخلانا تب تنقاد

الهمباتي الأغبش
===========
البارح حقيقة الجلسة كانت حلوة
سوينا النضم وقعدنا جوة الخلوة
انا والاتبراوي وحافظ معبي الدلوة
جنس بسطا هناك عبينا الاف ملوة

Khalid Alahmady
============
إن جيت للكرم كبير بحرومابنقاس
وإن دايرالفراسه أبكريق كباس
الخلق القويم هيلوباقيلنافيهوالساس
عقب الدين ربايتوماتاوروالخناس

الهمباتي الأغبش
===========
الزول في الاصل بتقيسو بي الاحساس
وزي حافظ عدم تلقاهو بين الناس
اب عمة التلب ذو هيبة مابتنقاس
الخل العفيف الفي المحاص دواس

Hafiz Alamin
==========
ابشرو ركازتى العند العوج عادلانى
اولاد جعل تيراب مكوك عزا" مأصل عانى
نفسى من البسط طارت تسوى اغانى
عظم الامر لا يبقى يوم شكرى انا دانى

Hafiz Alamin
==========
العز والاصل واضح زولو وناسو
يا تركة فخرا" معروف ومعتق ساسو
الشعدينابى شكـرا" يطــول مقياسو
ياك راسنا وتمامة الراى الصلد متراسو

Osman Amin
============
علي النمات نخش دغري ونكرف الريحه
العنبر شيوم كبرييت تشمو نفيحه
كما خاف النشاذ والزول تطقو فضيحه
بجر النم قُبَضْ فوق ناس دلال وسميحه

الهمباتي الأغبش
===========
شوق النمة ليك جيتك نسيها ضبيحة
نعزم النمة تطرب بيك تفك تسريحة
خاتيك النشاذ فيك الاصل تلفيحة
فوق نضم الغنا مكتوب هناك تفتيحة

الهمباتي الأغبش
============
بعد حتيت آتوي للسيك اظني نويتو
زميل عصر البليه بي آسي تب ماوطيتو
عقب بي التمانية للدامة شر ونويتو
ختاها وكتلتا والسيك عصر سويتو

Osman Amin
===========
قصيت ما نفع والشيريا جاتني طويله
ودامتن فوق كريت غالبني كو تنزيله
اتنين في الأتو وشايبك محنتو تزيله
مربوطتك غتاس من إيدي مارقه تقيله

Osman Amin
==========
سميتا التمانيه وأتوي خمسه عتود
وإن صدقك زميل تلقاهو في المقصود
يجلُد بي ربق ويفتح طريق مسدود
وسيكن بي عصر كيفن نكوسلو شهود