مجادعات النمة75

الهمباتي الأغبش
=============
سالت النمة بي نضما بشيش براحة
دحين مابان عليك زولا كلامو سماحة
وليدك يمة من ما قام امير الساحة
بقصد حافظ المبروك غتاي وافراحة

Midoo Khidir
=============
غياب حافظ اخوي خلنا فينا قباحة
يانمنتا دون حافظ عدمنا الراحة
امشي فتشيو في الرياض والباحة
عشان تتم جلستا الهو بس مفتاحة

Hafiz Alamin
============
حبابك يابا دخرى الحوبه اب كرم وسماحه
دراق هوشة المحن ام سمــايما" واحــه
فارس حوبتنا ساند عاطلتنا اب كلمة" صاحه
منى السلام مطبوق يلقاك فى نعمه وراحه

بت العمدة
=========
ياحافظ تعال مسخانة لينا الساحة
اديها الطعم واللون كما التفاحة
تعال لجاي ونم خلي النفوس مرتاحة
خلني النمم واكتب اكوم منداحة

Hafiz Alamin
============
حبابكن بنات الرجال ال للرقاب زحاحه
وارثات جدكن المــجذوب طاهر الساحه
فراقن ما باليد مالكانى الظروف وسلاحا
يارب دنيا ودين عيشتكن النعيم والراحه

Midoo Khidir
=========
ها احافظ اخوي حمدلله الله الجابك
الناس التنم مابتحملو غيابك
مادرناهو لومك ولا حتى حسباك
ياود الاصول والناس دي جت بتهابك

Hafiz Alamin
===========
تسلمى ياالفنجريه الديمه عامر نمك
والشوق دافق يملاكى فيضو يغمرك
ياالاصيله عز الرجال وارثاهو خالك وعمك
الـنم والشعـر حاكراهن عـندك ملـكك

Khalid Alahmady
=============
النمة وكت توج اياكن انتو الفيها
وحافظ وكتين يغيب حالا يتب ويجيها
من اقصى الخليج نورو تب ضاويها
زى لمبةةفنار قايد السفن بهديها...

Hafiz Alamin
============
ياخالد اخوى بى قولك تب طربان
اتمليت بسط بالروقه جت غرقان
اكان ماقيود الدنيا وحالة العدمان
اشرق شمسي الليله فى امدرمان

الهمباتي الأغبش
============
هت المبروك وصل اطرب جموعا لينا
اب عمة المعوك الفي المضاقة بجينا
قطاع الشكوك بي نمو الطعم بدينا
فاقدك يا العزيز يومين ولا تقولينا

Mahmoud Abdoon
==============
ياحافظ اخوي شكلك كسبت الساحة
الناس بي وراك تعبانة مامرتاحة
جاملت الخلق في كل عزاها وافراحا
تقبل للقصيد زي الجنود وسلاحا

Mohammed AL-arky ...................
===============
حباب اهل الكلام والنمه والدوبيــت
حباب خوه رجال راجيها من تبيـــت
حباب أهل الكرم ان جيتكم ادليــت
طالبكم تجو وحرم بتصلو البيـــــت

Midoo Khidir
============
مرحبتين حبابك نحن اهلك وناسك
بخاوييك تب خوة بيك تتماسك
يوم الخير يجيك نسعد نبارك ايناس
وفي يوم الحارة جد تلاقانا جت حراسك

الهمباتي الأغبش
===========
طولت الغياب يالعركي وين واديكا
هادي النمة اسرة وفيها اخوان ليكا
ان درتا الرجال تغرف يسيل واديك
وان درت الوصال تلقانا فوقو سبيكا

Msaad Yousif
============
مرحب حباب ود شيوخ العركين
جدودك ناس علم خلاوى ودين
منهم ازرق طيبة الطريقو متين
وابشراء يوسف عندو سر الجن