مجادعات النمة76

الهمباتي الأغبش
================
باقي سبوع وبعدو سبوع وكيف الشورة
مامعروع تكون الخطوة شايلة بشورة
ام تبقي الظروف زي حالا تلعب كورة
جواي كم هموم وياربي بس مستورة

Midoo Khidir
===========
انشاء الظروف تفتح لك انت قصورا
تمشي علي المهيرة تتم ليها سرورا
تسعد انت وهمومك تكون منفورا
تسهل عليك الخطوة زي ماتدورا

الهمباتي الأغبش
===========
هي ياغالية ما شفتي الهموم الصفت
خلعت عقلي ساهي وروحي جت انتفت
حتي النمة ديك بقيت اخش واتلفت
واصلو البي غريق جنباتي منو اتحفت

Khalid Alahmady
==============
هاود اعمى دخلت فينا الخلعة
مترجينك زمن وشعورنا تب مندفعة
تف من خشمك المر الخلوق مجتمعة
باذنو الكريم مكتوبة ماف من رجعة

بشرى ابراهيم
==========
اخبارعرسك البالنت بقت منشورة
ماني مبسوط براي كل الخلق مسرورة
باكر سيرة لبت البعقدو الشورة
ناس متلمو دلوكة وابل منحورة

الهمباتي الأغبش
===========
الاذن الحداي بي سهولة كيف نمضيهو
والبلد انتخابات سارحة تمضغ فيهو
الزول كان قطع اليوم بكون تب ليهو
والديش كان كبس عقبا بهد طاريهو

Midoo Khidir
============
مالك يااخوي برى الهموم شاغلاك
عرسك يالاصم بيت مال معاهو جناك
كلنا بيك بنفرح والهموم تختاك
ماواقف براك خالد وبشرى معاك

الشاعر المخستك
===========
بتنصلح الأمور خلي النفيسة صبورة
وللفرح الأكيد هيء مراسي شعورا
الف ألفين مبارك ألفي ما مقصورة
وبالرفا والبنين وأيام تهل مسرورة

الهمباتي الأغبش
===========
الصقار هديل ياهم سند ضرعاتي
ويوم مايكونو جنبي انقز تطير حجباتي
البشري وخويلد واقفين مع الهمباتي
يادوب ما حلت صقرية طابي عصاتي

Khalid Alahmady
==============
حالف قسمت يمين ومانى مطلوب فيهو
ان كتمت هناك بنجيك عرسنا نسيهو
حتى البشير ان درتو نجيبو يعقد فيهو
نحنا ولاد جعل وكل العالى طالعين فيهو

الهمباتي الأغبش
==============
ياها تب محرية داخرك علي الحوبات
يا صقر السما الما بتقرعو حديات
غيرك مابمش لو ختلو لي راجمات
وبتحنن يمينك وعقبا ضريرتا جات

Hafiz Alamin
==========
باقى سبوع وبعدو رفيقو
و جبل الثبات نقر الهموم مابيعيقو
كل المراد نلفاك السودان نخبرو طريقو
نشاركك فرحه وفى الله العشم تحقيقو

الهمباتي الأغبش
=============
ياهو المني الفي الخاطر المعلوم
تكون معاك الهرع وسراجي تالا يحوم
عثمان ود امين ومساعد ايضا كوم
وكل النمة بي بنياتا هناك تحوم

Msaad Yousif
============
همباتى اخوى ابشر بالخير ماتهم
اسمعن بنات ركاب نحن للناقصة نتم
يوم عرسك بجيك سند الهاكعةالاصم
بحضر جديد لو الاهلية ترفدو من العلم

الهمباتي الأغبش
=============
كمان ود الجنيد عمر علي تالاهو
يمين بت الخدر كل زول عازماهو
وبت العمدة تقدل للعريس زافاهو
وعابدون بي كلاش كل الصفق حتاهو

Msaad Yousif
=============
لو كان بالمراد نكون فى البلد قاعدين
نحضر جديدك وفوقك طرابة هازين
يمن بالله نملى السماء بارود للدين
ماناس كلاش ولا جيم رشاش لية رطين

Mahmoud Abdoon
=============
ندعي الكريم القادر يتم فرحة المذكورة
ويزيد الفرح والناس تبيت مسرورة
وتنقلع الهموم وماتشوفا لو في صورة
احمد الله ساي الطلعك من بورة