مجادعات النمة79

Osman Amin ......
=============
دغشن فوق لُغش ختيت جبارة القومه
قاصد دار ام سماحه السيسبانه التومه
هِن بسمت دلال وان لامت بنقبل لومه
وكان منعت غزال لكن عيونو حكومه

لهمباتي الأغبش
==========
كو برطع طرب وبسطة لي حلقومة
وياريت الشمش باكر تعجل يومة
لو صح دا الخبر كل الكفوف مامومة
تعجل بي سفر مقصود عدل خرطومة

Ahmed Hassan Elteeb
===============
وريتك يارفيقى الخدار حكايتو معاى جد معطوبا
البنية ام سماح الصفر الكبير عيوبا
راحت على وقبال تتم اسبوعا
جات بى دبلة وخلاص مخطوبا

Khalid Alahmady
=============
أياها حكاية الدنيا دى المخروبة
قبلك كتار اخدوها فلقة طوبة
وعارفك مابتقول من البنات توبة
تقوم وتقع زى درويش جوة النوبة..

Hafiz Alamin
=============
كم قصرت رقاب كانت شامخه عجوبه
وكم عقرت فراسا" يفزعو المسلوبه
وكم قصرا" منيف لحقتو اطلال سوبا
تتضحكلك وفى الخفا تلبدلك المخروبه

Mahmoud Abdoon
=============
ماتندم اخوي على الغدت مخطوبة
وماتعاند تقول والله ان بقت حبوبة
الوافيات كتار مابتلقى اي صعوبة
وخالد اخوي قاليك قبلك كتار مرو با

الهمباتي الأغبش
============
يا ابو حميد ترا الزولة قلبت هوبة
مابتضمن غزال لو تبقي تب معطوبة
قبلها في الحريم اخد المثل كعجوبة
بي لمة غنوج خربت عديل لي سوبا

Ahmed Hassan Elteeb
===============
مابنقدر بلاهن هن سعادة الدنيا ولزيز مشروبا
وواحات ضرانا وقت العبوس بترمى زنوبا
وبت الحلال فى الطريق والقسمة جد مكتوبا
وجاك الدلع عبدون والسمحة جرت توبا

Hafiz Alamin
==========
مبروك الجديد وانشاالله عاد مبروره
تظهر مع المفيد بالنمه تبقى غيوره
ترافق السمح يوماتى يبقى حضوره
تهانينا يا الارباب ومبروك غيار الصوره

الهمباتي الأغبش
============
تتبارك كمان يالغالي فوق النمة
نتكاور جميع ونـــزيدا لفة العمة
المسودة باينة وبيها يوت ننجمة
والموقع معاها ويبقي المراد انتمة

Hafiz Alamin
============
حارستك كتير راجى تقولو قرارك
ومرقتا لى الدمام وراى الهــموم تتدارك
البتقولو امرا" نافذ بس اعلمنى بى اخبارك
ماعدمناك ياضــو القــبيله الديمه توقد نارك

الهمباتي الأغبش
===========
باكر من صباح كل الامور بتبين
ونتكاور هناك اسكاي بي اصلو متين
نتناضم تمام وكل المضم يلين
وموقنا بيكون برمندي كابس الطين

Hafiz Alamin
===========
ابشر ياالاصم معاك يمين واقفين
وان درتو هسه نتكاور نجيك تابين
يااسد الكريهه العزيمتو مابتلين
نحنا ان عدمناك يارب نقبل وين

Khalid Alahmady
============
وانا بدور كمان أبارك بس
يالهمباتى اخوى مبروك الزاملة الجديدة
بشارى والله عنافى ربيان فى ام شديدة
شاحد الكريم بعد السيرة على الناير خديدة
بدلو تشد البرادو بيضاء تكون جديدة

التربال altarbal ....................
===========
كمترت الغرام هب من تاني بتق وقام
وجدولت الحنين وتقـــــنتا ليهو تمــام
الريد في القلب زي قيف علي الهدام
ومحرات الحبيب قولب علي العـضام

Abdallah Alhraa
============
ساكنه سكينه في قلبي ومولعه جوفي
لاجه بصيرتي من غيرها ومكمله شوفي
بركة ربي واصحــــاب البياض الصــــوفي
اشرب من عسل فاها واغيث ملهـوفـي

الهمباتي الأغبش
============
قاعدة موتبة في الروح مكانا الامن
موهطة فوق ولف مدقاقو غاتس كامن
الهدهد رويحتي وخلاني يوت مطامن
الزول من صغير بي ريــــدو ليا مزامن

التربال altarbal
==========
المهرة المبرطعة فوق سهولا فريدة
علي انقاية الغرام كدبت تب لي ريدة
سلوكة العشوق جوايا غارزة حديدة
كتير نقح الزمن وبي جنبو حارنة يعيدة