skip to main
|
skip to sidebar
النمّـة والشاشاي
علي منظومة الشاشاي بخت النمة * راكب فوق سروج الروح بدور انجمة تصميم عمّك تنقو
مواضيع النمة
المشاركات
Atom
المشاركات
تعليقات
Atom
تعليقات
الثلاثاء، 6 أبريل 2010
مجادعات النمة80
Bent Alomda Hassan
==================
مضمور الحشا كفلو البرج لي ساقو
احور طرفو شوف رمشو وحاجبو اتلاقو
العطل كلاي شال قلبي من علاقو
فر سنو زي برق البدودي سحابو
Msaad Yousif
=============
المربوعة قامتو برمكى وقدال
لحظ ابصارو برق القبلى الشال
لى بلد ام سماح بشد ترحال
على ضهر الاربد البجيب الفال
Hafiz Alamin
=============
متبور ساقو مضمر هافو وحورا آماقو
بريبة جهمورك فى الكبد احراقو
متى قلبك ننجى وننول اشفاقو
سهدتينا وحميتى العيون يتلاقو
الهمباتي الأغبش
==============
مخنوق من وسط ممشوق ولادن ساقو
يوم قدلت بشيش كـــل الخلوق ما فاقو
الذوق والـجمال قاعــــدين قبـــالا اتلاقو
والـحاجب الغزير والشهد الـبسيل دفاقو
Hafiz Alamin
=============
فراق بريبه كل ماليهو زايده اشواقو
مضمورة الحشى فرك العينه الشلع براقو
وجهل ود سبعتين الفى وادينا هلّ اشراقو
الدهب المجمر على المتلى غاليه اسواقو
الهمباتي الأغبش
===========
من زمنا قديم اشواقي ليك ماحاقو
والسهر الطويل والنتحي تب ماراقو
والقلب الحداي قط ما انعرف فــلاقو
ونيسان الـغرام يوت الحنين سواقو
Hafiz Alamin
============
من فارقتا البلد عينى والقلب ماراقو
بتزكر الاخوان ورفاق الصبا البتلاقو
بتزكر يمه كل ماقدامى الدروب يتعاقو
بتزكر يــابـا وكل ماليهو زايده اشواقو
الهمباتي الأغبش
===========
الشوق كان مرق ليهو العيون بتسارقو
والسفر الــبعيد قلبي الـموجع حارقو
الزول كان صبر برضو الشجون بتدارقو
ولو غــمد كمان يحلم يمــضي اوراقو
Hafiz Alamin
==========
ليه يانفسى المعدوم تزيدى اسناغو
السفر والبعاد فى اعمارنا طال امحاقو
وسهم الفرق فى الجوف غرز زراقو
حليل ظبى امات سريح المتبر ساقو
الهمباتي الأغبش
==========
الظبي المفدع فات دخل اشلاقو
الديس الغزير الما انهبش حلاقو
اللبن المغتي خاتنو في معلاقو
هارد للقليب وحارة تب اشواقو
Hafiz Alamin
===========
ظهرت من بعيد وعيوننا دابن راقو
المرنوعه تتهادى ونميل يغلبو النظر اطراقو
تالـه اليمين مع الغويش فى نغـم ينسـاقو
حلاتا المحياها بدرى فى دارنـا هلّ اشراقو
ليست هناك تعليقات:
إرسال تعليق
رسالة أحدث
رسالة أقدم
الصفحة الرئيسية
الاشتراك في:
تعليقات الرسالة (Atom)
نمـّة للوطـن
الهمباتي الأغبش
السودان الوطن الواحد, منطقة البساطة الغبشاء, Sudan
عزّة سينها واوها شامخات فوق علوها سحاب بالدال دالي للبر يأوي للأغراب ألف المد يمد في إيدو بالترحاب في نونك نموت يا عزّة الانساب
عرض الملف الشخصي الكامل الخاص بي
أرشيف النمّة والشاشاي
أرشيف النمّة والشاشاي
مارس 29 (2)
مارس 30 (5)
مارس 31 (14)
أبريل 01 (15)
أبريل 03 (1)
أبريل 04 (21)
أبريل 05 (18)
أبريل 06 (19)
ليست هناك تعليقات:
إرسال تعليق