Osman Amin ============ آهمباتي جمالن في البلوم ما اتحوج الكبريت ووضيبن في المواهط لا دار ودك لازيت ها نورن في المحيا جلاّاو لزوم البيت مِضوقني الوحيح وعاجباني عندو أبييت
الشاعر المخستك ============= صباح الخير علي الهمباتي سيد النمة وباكر في رحاب الدار نجي ونتلم نبشر باليمين عقب المراد ينتم ويارب ياكريم بيت بالحلال ينعم
الهمباتي الأغبش ================ الشاعر الرهيف يسعد صباحك ضمة والخطوة الـحداك تلقاها يوت منجمة نفرحبك كتير بي جيتك في اــلنمة ونحن معاك وحلمنتيش يكون القمة
الشاعر المخستك =============== مرحبك عضو ورئيس تشيع البسمة ونحن البي وراك نهتف نشد الهمة نشرح للقلوب نحجب شعاع الغُمة يختانا الحزن عقب الهموم تترمي
الهمباتي الأغبش =========== حباب شاعر حلمنتيشك هناك انتمة بي نضمك تضوي فيها عتمة ضلمة يجدع بي الشمال ويمينو مابنخمة سوي النم خرز ووراك نلف العمة
Msaad Yousif ========== الضنم انتو اسيادو تشهد لكم النمة حديثكم موزون للبعرفوا وبيك بنجمة ماقول هراك نضم خاتى وسخ الكلمة صحيح الزول غير اهلو جديدو ما بنتمة
صهيب يوسف =========== سلام عروب سلام ادونى الاذن فى النمة خلونى النقدل معاكم والفى المراد ينتمة جيتكم ماد ايد للصفاح بيضاء تنور الضلمة وان جيتو للاصل معروف ود قبائل خاتى لكنة
صهيب يوسف =========== قبيلة كبيرة وفى السودان رجال همة كم حلينا مشاكل كانت للبلد بالهدمة مابنخون الجار حفاظين عروض الامة جاهلنا بفرتق المعركة ام كلاشا وجلة
الهمباتي الأغبش ============ حبابك ياصهيب ادخل عليها النمة بي جيتك يمين كل النقص ينتمة قدامك تلوب في الحال يزيلو الغمة ترجاك تسوي النم ومعانا انجمة
صهيب يوسف =========== الفضل هيلكم يمن مافي كلمة كرمكن فاض حتى جواركم عمة جيتكم صديق بدور ارتاح مع النمة يارب اكون قدر المقام والهمة
Fathi Hassan ============ قدرك عالي بنشيلو تاج في الراس يا ود الصهيباب اللي العلوم دراس ياك ود قبايل اصل ونسب وساس جر النمة بي قليب رقيق حساس
الأميرلاي السراج ============== قول للما قدر قدر الكلام يســــــــتني ما يبادر علي النار البتحمي الجــــنة شن غير اللسان رامينا في هالظـنة بس نرجي الكريم السونا وعجـــــــنا
Msaad Yousif =========== يا بحر الدميرة بشوف ليك يومين طامح خايف من سيلك مابخلى واحدا سايح خراب جناين المنقة السيدو يوت صايح بقفاك ماتخرب البيوت تسوى فضايح
Msaad Yousif ========== اه ياقلبى لو اه اصلا بتفيد مجروح الليلة تاورنى جرحى القديم مجروح قلل منامى وسالب من اعضاى الروح بقيت طريح الفراش الناس هناك تنوح
الهمباتي الأغبش =========== اللين والوداد تالاك شامخة صروح والعسرة القست عقبا اكيد بتروح الزول بي الصبر ريح الرجال بتفوح وهيلك من قديم فيك الالم مضبوح
عبد القادر النوبي =========== انا يا البلبل الفوق راس فروعك ساجعة ضيفي على وجعك ونومي قبل الهاجعة ريدالفرقو صحي العين بعد مي ضاجعة اتلف صحتي وعاد لي الوحايح راجعة
الهمباتي الأغبش ========== يالنوبي البلوم قوقايو صفا عروقي اتلم الغرام كنكش هناك بي فوقي نيران القلب ياريت تخمدي تروقي وصيت البلوم يدي السلام معشوقي
Abdallah Alhraa ============ عمرك طويل ياربي ابعد مدو والشوق والانتظار سارعنا نوصل حدو لو اسعافو شوف نبدأ وحجرنا نكـــدو ان كان قلتي نصبر اولى يا بت عبدو
الهمباتي الأغبش =========== كل ما الريد يفوت الشوق يزيد لي حدو والبال الطويل فوق لي المسافة يهدو عناق البارح الليها الطيوف بتمدو شاحد الله الكريم ريدي داك تودو
Hafiz Alamin ============= متبور ساقو واسعه آمــاقو ناير خدو طيبه اخلاقو شوقــو فينى زايد مدو طبق البوخه على مسخ البخور و ندو يالطيف علـــينا من فدعة وريدو ويدو
الهمباتي الأغبش =========== كاتل كل زول يصبح قريب بي صدو كاتفنو الغزال وانا احاحي طالب ودو السبب البخلي نجومي يوت ينعدو العين المرشرشة اللي القلب بتهدو
ليست هناك تعليقات:
إرسال تعليق