مجادعات النمة85

Osman Amin يا الأغبش سلام......
=============
فوق نقزي وانبساط اليوم كبس متضارف
والسمسم بخيت حظ الزراعتو قضارف
السبب الأكيد خلاني تب مو عارف
سطاشر قريب شايف زمانو مشارف

الهمباتي الأغبش
===========
ياعثيمين اخوي شوقك لبد متضارب
قريفة وانوحاش عقبا معانا تشارب
الجوف ياحلاوي قصع لهيبو جرارب
بقيت شايل حمول وتالايا دبرة قارب

Mosaab Ahmed Omer
===============
أماتي القبيل بي حنهن لجني
كرفة وقلده كيف شوق اللبن رجني
حزناً جاني في ميع الصبا يلجني
أطلع مني يا جلدي المنمل جني
وأطلع مني يا حزنا بقي مكجني

Nada AbdalMonem Hassan Madani
=======================
بتعرفيني أنا البركب على الطريفــي
اتعرفيني أنا الببادرالسله سيفي
تمـــلي بســـوي الـدايـــر كيفـــــي
أهجعت الليل يقوم بالشكره ضيفي

الهمباتي الأغبش
=============
انا السادر مراحي وعقبا مطبق كيفي
تمباك الغرام مشتول هنا فوق قيفي
الدنيا الغشوم راجيها كابي خريفي
وان جات الهموم اتب اجز بي سيفي

Hafiz Alamin
==========
الليله الخميس موعدنا معاك ياهميم
نتقاسم نص الليل بسط غـــنا وترنيم
شماراتا" مربوطه راجياك تفش الضيم
مبسوطين شديد وكتين تهل ياحميم

Khalid Alahmady
============
يحسب في اليوم دقيقه وساعه
لامتين تغيب الشمس في سراعه
يارب ياكريم ربحنا في دي بضاعه
نلحق نخمس في النمه جوه القاعه

Hafiz Alamin
============
راجين جيتك حلــف زى هــلال العيد
ياود القبايل فى حوجه ليكا شـــديـد
النمه بدونكم يابسه وفاقد للتــرديـد
هياكم نعمر حايطا وتتزين بكل جديد

Khalid Alahmady
============
لوكان بالتمني ومرادنا فوق الليد
مابنفوتا النمه حتي صبح العيد
إنت الأصل وساسنا الغراقوبعيد
جالب مونتا خرصانه ساساحديد

الهمباتي الأغبش
==========
الليلة الخميس والناقصة ديك بتم
مع اليسل الكشح خيران عشر بنلم
نتوسد ضحك في الفانية مابنهم
نبل الشوق غنا وفوق الحسان بنم

Msaad Yousif
==========
فى الغربة الخميس مالية اى طعم
شن الفايدة برى لعب كتشينة وملم
سمح خميس البلد مع الاهل تنعم
مبسوطين خلاااااااص مرارة وشية لحم

Waleed Abzeed
============
واقف حداك لامن تفوت العبره
والخوف إن طراك ياخدلو كم من هبره
مكسور هواك في نوحو عامل غبره
الجود والكرم في بالو ماهن خبره