مجادعات النمة86

Hafiz Alamin
============
الشمار الحار حافضـو فى معـلاقو
راجيكم تتلمو اقولـو واحـرق اوراقو
الهمباتى كيفن صابر على احـراقو
اولاد الدامر اتعنصرو وبى ورانا اتلاقو

Khalid Alahmady
=============
الدامرجيه أصلا ناس جميله ومستحيله
واللمه البقت في النمه أصلودليلا
همباتي البدور يربطني كان بي تيلا
قولو لحمتي أكبرياابخشماماببلوبليله

Hafiz Alamin
===========
خـبرا" قـصدتو تكتـمــوهــو الله فاضح سرو
تتلاقو بى ورانا قـايلــين البــعــاد مابيـــدرو
لقيناهو الخبر وفــى النمه نكــشف امـــرو
يالحمدى اتكرب ساكت الليله وين بى تجرو

الهمباتي الأغبش
============
الخبر الاكيد حافظ هناك وروهو
عديل شيخ العرب صبقنا تب شافوهو
ياحلينا البرانا نجدع نجدع نضم عرفوهو
ما جونا الجماعة ونضما عدييل سووهو

الهمباتي الأغبش
===========
من الاستاد عكس زلط الشمال خلوهو
ادلو الصعيد اخدو الملف كسروهو
بي تالا اليمين والقصر داك قطعوهو
عليهو الغربي تب والبن قرض شربوهو

Hafiz Alamin
=============
الكلام معروف والفيهو واضحه وباينه
يالحمدى السويتويا فعلا" شاينه
بالخفا زى سيـد الجريمه العاينه
مابتعزمونا خبارنا مجربه جمالنا

الهمباتي الأغبش
=============
مابنشرط عوينتك وليك قط ما بنلفط
واكان لي الشراب ناباهو تب ما بنشفط
مطيقنا بنخلي وان قلنا شي بنتحفط
اكان بس تسوقنا ماتلوك براك وتلحفط

Hafiz Alamin
==========
البقت صعب العقل بمعناها يفيد
ياربى القصد بخاله والا فهما يزيد
ون قلنا الشغلانه فجاة وما بالليد
الاحمدى متمهل وراكب التوحيد

الهمباتي الأغبش
==============
الناس الهناك ياحافظ ات ماك خابر
فوق بلد الحديد اجترو فيها مناظر
ناسين التلب في غربة سما فاير
وواحدا في الخلا يعكم يجابد صابر

Hafiz Alamin
=============
الاحمدى الحكايه تغى ام استغنى
مــا بالكتــير لــو كــشكـره كانــت تعزمنا
وانا ورفيقى عايشين فى الظنون والمحنه
لا عرفنا قصدكم لا تفسير الشمـار ريحنا

Msaad Yousif
=============
شمارا ريحتو لا عندالفريق عمتنا
وصفولنا المكان نعبر منو لى حلتنا
ما جايين بي طمع بنشيل قدر قدرتنا
افتحولنا المجال كفاكم الشمار حرقنا

الهمباتي الأغبش
=============
ياخالد براااك فايتنا ماشي براكا
بي شغل الغمتي فت قاصد داكا
ياحليل الجرارق والنمة يوت تتباكا
وبي كل انبساك سويتو انتو هناكا

الهمباتي الأغبش
==============
الزول المشيتلو نتمني بس الشوفة
في تالاهو نرمي والخوة نبني صفوفا
يوم شوفتو العيون ترقص تدوي دفوفا
بنلاقي العزيز وتبقي النفس مخلوفا

Hafiz Alamin
=============
العزيز الزرتو والله نور خوتنا
فآلنا زاد ســاحتنا وتمــام عزتنا
لو ماعقيب الكلام بجيب الفتنه
نمرقو عدييل الا الحدود منعتنا

الهمباتي الأغبش
==========
الاتبرجية نور الكهربا نلفاها فوق الضلمة
وناسا تب يمين ما فيش شبيهم ضمة
وكت جيت الحبايب داخلين هناك النمة
نطرب في النضم بسطة وولف نتلمة

Hafiz Alamin
===========
الحكايه ياارباب وينو العمده
لا ظهر لابان حامى العيون الغمده
انشاالله خير لايبقى زولــــك صدَ
دور محارسنو راجنو طوول المده

الهمباتي الأغبش
=============
ماهو براهو طول خلي البقت مستورة
كمان برضو العزيز كتر غيابو وظهورة
بنخاف العوايق وعقب الدواهي مرورة
لكن زولك دخل وغير كمان الصورة

Hafiz Alamin
============
السويتا ياعمده فاتت الفكره والتصوير
تقطع الفيافى وتمنع علينا خبير
الســر الكتمتو زاع وجابو الطير
والعزيز لبــس الجـديد وحــرير

الهمباتي الأغبش
===========
بقيتو تمرو فينا واصبحنا نحن مقابر
تقدلو بي انبساط والنم وحيحو مبادر
ترا المشية المعاك معفية تب بالخاتر
ليه مابان عليكم تجونا من الاخر

Hafiz Alamin
===========
القصه فى معناها تشبه انقلاب بى جيشو
تحاحونا وتــعدلو النبل وتنيــشو
ماكن عارفين القطر بى تفتيشو
نمرق نجيبو الغايب وننتف ريشو

Khalid Alahmady
============
الاحمدى حاشاهو من منكورة
والشبكة السجم خلتنى بس زى كورة
هاكم قولاً متين منى وان درتو فى سبورة
مانيتى افوتكم فى الشوفة بس خادم فكى ومجبورة

الهمباتي الأغبش
============
قايلين الخبر ما بجري تب بغشانا
ونيسان الغياب علينا اتماشانا
ويوم خش العزيز براحة اتحاشانا
من الفعلة ديك نمنا وحردنا عشانا

Hafiz Alamin
===========
حبابو الفارس الظهر فى الساحه
حباب ود المكوك مالك الظرف وملاحه
فى غيبتك النمه اسود وشيها مناحه
فاقدين السمر والبهجه ومعانى الراحه

الهمباتي الأغبش
===========
بشوف اسك ظهر تالايا قام بي جاي
من النومة طفر زي وهج ضواي
ياخالد تعال قاعدين عديل فوق راي
وين خليت عزيزك اكان تجيبو حداي

Khalid Alahmady
=============
الوعد دين الحر عليو يوفيهو
وشارع الجامعة يومى انا بمشيهو
ياهمباتى طولت والزول كيف ارخيهو
وياحافظ الصبر جيتك بوريك ليهو

Hafiz Alamin
==========
شمرنا السواعد دقينا للنقاره
فسرنا الحصل تهــدأ وتروق الغاره
ياود العمد لا تبقى الحكايــه حقــاره
تلاقى الغالى ونحنا نعرض بره الداره

Khalid Alahmady
===========
خش ياحبيب وبديك الشمار الحار
الجلسة الهناك وكل الحديث الدار
النمة البقت تجمع كبار وصغار
وتلفون حافظ الكان خبراً سار

الهمباتي الأغبش
============
الشارع البجيبك يارب تسوقنا عليهو
وقط ماقلنا شي لو قلت مرة اجيهو
لكين العوج وكتين دخل طاريهو
غير صورتو وما قال سلام ليهو

بت العمدة
=======
ياخواني الشمار قولوه لا تلوكوهو
كلامكم زي لغز علينا بس حلوهو
خالد يااخوي شمارك نم وزعزهو
خلوننا الننم شاشاينا يكمل فيهو